خلاصة تجارب ناجحة لتختصر عليك الطريق
جاري التحميل...
دليلك الشامل من الصفر لمعرفة الاختبار وطريقة المذاكرة الصحيحة
الرياضيات (30 سؤال)، الأحياء (30 سؤال)، الكيمياء (25 سؤال)، والفيزياء (25 سؤال). الإجمالي 110 سؤال.
الاختبار مقسم لـ 5 أقسام، كل قسم بياخذ 25 دقيقة وفيه 22 سؤال تقريباً بتوزيع عشوائي للمواد.
تنبيه هام جداً: إذا انتهى وقت القسم وانتقلت للي بعده، مستحيل ترجع للقسم السابق ولو رجعت بينلغي اختبارك!
الاختبار ورقي، لازم تدرب يدك على التظليل السريع والصحيح. والنتيجة تطلع بعد آخر اختبار في الفترة الثانية بشهر.
ممنوع تحل تجميعات قبل التأسيس! أفضل مصدر هو "كتاب ناصر عبدالكريم". استرجع معلوماتك واقرأ، وإذا ما فهمت مقطع معين ابحث عن شرحه باليوتيوب.
التدريب هو إنك تحل الأسئلة بنفسك وأنت تذاكر. لا تكتفي بمشاهدة الفيديوهات أو القراءة بالعين، جرب تحل بيدك عشان تثبت المعلومة صح.
راجع 15 دقيقة قبل كل درس جديد، وسوّ مراجعة سريعة بعد كل 3 دروس. خصص يوم بالأسبوع تراجع فيه كل اللي ذاكرته. بدون مراجعة = كأنك ما ذاكرت!
بعد التأسيس، ابدأ بـ "تجميع غشام". ليش؟ لأن الأسئلة تتكرر بنفس الأفكار. حل بنفسك أولاً، وإذا غلطت شوف الشرح. وتدرب على نماذج محاكية لكسر رهبة الوقت.
لا تذاكر بجوالك أبداً إذا كان يضيع وقتك بالملهيات! وإذا كنت مضطر تذاكر منه، استخدم تطبيقات تقفل البرامج الثانية أو حط الجوال على وضع الطيران.
قصص نجاح من طلاب وطالبات حصلوا على أعلى الدرجات — تعلّم من مساراتهم ومصادرهم
"لازم يكون عندك طموح. قول ليش في غيري جابو 100 وأنا لا؟" — تأسس من ناصر + فرح + أحمد سكول
"٦٥% من الأسئلة نسخ لصق من التجميعات + ١٠% تسريبات" — كشف أسرار الاختبار بالأرقام
"التسريبات: محمد ثم محمد ثم محمد!" — بعد كل درس لازم تأخذ تجميعة
"تحطمت كثير لكن أمي قالت: تختبرين يعني تختبرين لو جبتي ٥٠" — وجابت ١٠٠ بالفترتين!
خلاصة +119 تجربة ناجحة في مسار واحد مختصر
"أكبر غلط إنك تذاكر كل شيء مع بعض" — ركّز على مادة وحدة وأتقنها ثم انتقل للتالية
الرياضيات أولاً (يلو/ناصر + مهند/صالحة/نادية) ← الفيزياء (فرح إبراهيم) ← الكيمياء (محمد العمري) ← الأحياء آخراً (أحمد سكول/يلو)
الترتيب: غشام (الأهم!) ← الحوت فترات ← يلو ← الكنز ← سايفر. عيد غشام ٣-٤ مرات!
قبل الاختبار بأسبوع: تسريبات محمد + يلو + أينشتاين + سايفر. بين الفترتين: راجع أخطاءك + تسريبات الفترة الثانية
"المراجعة أهم من المذاكرة نفسها" — كل يوم راجع ما أخذته أمس + يوم مراجعة أسبوعي + لا تنسى القوانين. بدون مراجعة = كأنك ما ذاكرت!